Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Эпинмы, фитоспоринмы, гуматмы – кайсы яхшырак

Эпинмы, фитоспоринмы, гуматмы – кайсы яхшырак

Лилия Гәрәева
Лилия Гәрәева
09 марта 2017
675 карау

Күлдәвекләргә баса-баса яз килә. Бакчалар әле кардан ачыла да башламаган, ә бакчачыларның инде эш гөрли. Орлыгын алырга, туфрагын әзерләргә,

чәчәсен чәчәргә... Хәзер шунысы ярый: нәрсә алырга теләсәң, кибеттә шул бар – яшелчәче-бакчачыларның уңышын арттырырга булышучы әллә никадәр препарат тезелгән.

НВ-101 – әйбәт препарат. Әмма аны инструкциясендә күрсәтелгәнчә, атна саен түгел, ә ике тапкыр гына куллану яхшы. Беренче тапкыр: орлыкларны чылату өчен һәм 2-3 чын яфрак чыкканнан соң, үсү чорында, икенче тапкыр – чәчәккә бөреләнгәндә. Үсемлекләрне тергезеп җибәрү өчен яхшы чара (мәсәлән, авырган үсемлекләрне).

Эпин һәм циркон – шытымнарга үсеп китү өчен кирәкле энергия бирә. Әмма үсемлекләрнең иммунитетын күтәрми. Күләмен бик белеп исәпләргә кирәк, югыйсә, ул киресенчә, орлыкларын яндырырга да мөмкин.

Гуматлар – туфракның уңдырышлыгын арттыру чарасы. Үсемлекләрнең тамыр системасын көчле итә. Аны үсемлекләрнең вегетация чорында кулланырга кирәк. Суда бик начар эри. Башта кайнар суда эретеп, аннары җәй буе кулланырга була.

Гуми – нанотехнологияләр ярдәмендә булдырылган препарат. Гуматларның эре молекулалары ваграк кисәкләргә таркатыла, аннары микроэлементлар белән баетыла.

Фитоспорин – составында печән таякчыгы споралары бар (ә ул исә фитофтора чирен җиңә). Порошогы да, пастасы да сатыла. Пастасында гуматлар күбрәк. Шуңа күрә, үсемлекләрне дәвалау максатында куллану өчен пастасы яхшырак. Порошогын яз көне, үсемлекләрне үстереп җибәрү чарасы буларак кулланалар.

Экогель – бик көчле чара. Үсемлекләрне дәвалый да, иммунитетларын да күтәрә. Составында хитозан сыгынтысы бар. Бу чараны кулланганда үсемлекләр стресска бирешми, җитмәсә, туфракның уңдырышлылыгын да арттыра.

Рибав-экстра – ачы туфракларда куллану өчен яхшы. Ылыслы агачлар, гортензия, күк җиләк үстергәндә булыша.

Гуми-оми – органик-минераль ашлама, ферментлаштырылган тавык тизәге нигезендә эшләнгән. Үсемлекләрнеэң үсешен тизләтә, стресска каршы торучанлыкларын арттыра.

Силиплант – микроашлама. Чәчәр алдыннан орлыкларны чылатыр өчен дә, үсеп килүче уҗымнарны тукландыру өчен дә бик яхшы.

Домоцвет – хәлсез, авыру үсемлекләрне тернәкләндерү өчен кулланыла. Туфракны яхшырта. Мәсәлән, авыр, дымлы туфракка утыртылган үсемлекләр үсә алмый утырганда, әлеге препарат бик нык булыша. Уҗымнардагы «кара аяк»-«черная ножка» авыруын бетерә.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com