Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → ​Гөлләр дә коенырга ярата

​Гөлләр дә коенырга ярата

20 февраля 2017
861 карау
Без еш кына бүлмәдәге җылылык батареяларының салкын булуыннан зарланабыз. Баксаң, кайнарының да җитешсезлеге бар икән ләбаса — һаваны корылый. Мондый һава, әйтергә кирәк, кешеләргә дә, үсемлекләргә дә начар тәэсир итә. Шулай да чарасын күргәндә, бүлмәдәге һаваны 60 процентка кадәр дымландырырга мөмкин.

Дымлылык рекордсмены. Циперус бүлмә гөле көнгә 500 миллилитрдан башлап, 2 литрга кадәр дым бүлеп чыгара. Ә мондый рекордка ирешү өчен гөл янында һәрвакыт сулы савыт тотарга, яфракларына көн саен су сиптереп торырга кирәк.

Җилләтү. Суык көнне гөлләр үскән бүлмә форточкасын киереп һәм озакка ачмагыз, чөнки салкын һава да бүлмәне корыландыра. Җилләтү дымлылык өстәми, бүлмәне аз-азлап җилләтү генә уңай нәтиҗә бирә. Моның өчен форточканы һәр ике-өч сәгать саен унар минут ачып тотарга киңәш ителә.

Дымландыру. Җылылык батареясы өстенә яисә батарея янына тропик үсемлекләр утыртылган кечкенә сулы вазалар куегыз. Әлеге чара бүлмәне дымландыру өчен кулай санала.

Томан ясагыз. Коры һавалы җылы бүлмәдә гөлләргә һәр иртәдә су сиптереп, азга гына булса да томан ясагыз. Бу чара күп вакыт таләп итми, ә үзе бик яхшы нәтиҗә бирә. Мондый нәфис душ үсемлекләрне яхшырак үстерә, шул ук вакытта бүлмәне дә дымландыра.
Сиптерү өчен суны олы кәстрүлдә кайнатып суытыгыз. Аннан соң, тондырып, зур пластик шешәләрдә тотыгыз.

Дымлылык нормасы. Хәзер кибетләрдә бүлмәдәге дымлылыкны үлчи торган махсус термостатлар сатыла. Мәсәлән, гөлләр яхшы үссен өчен залда температура 20 градус, ә кухня белән йокы бүлмәсендә 16-18 градус булырга тиеш.
Моннан тыш, бүлмәдәге дымлылыкны тагын бер гап-гади ысул белән үлчәп була. Ул да булса, нарат бөресе ярдәмендә. Бүлмәдә һава бик коры булганда бөре тәңкәләре ачыла, ә дымлылык артканда тәңкәләр ябыла.

Һаваны сихәтләндерү. Бүлмә фонтаны декоратив әйбер булу белән беррәттән, аның челтерәп аккан тавышы нерв системасын тынычландыра, стрессны бетерә. Һәм, суны парга әйләндереп, бүлмә һавасына уңай йогынты ясый. Шул рәвешле бүлмәдәге вак тузан бөртекләре дымланып идәнгә төшә. Кирәк очракта, фонтан суына төрле эфир майлары өстәргә дә мөмкин.

Микроклиматны яхшырту. Әгәр фатирыгызда ел тирәли яхшы микроклимат булсын дисәгез, бәрхетсыман нәфис яшел яфраклы бүлмә юкәсе яисә спарманния гөлләре үстерегез. Яхшы шартлар булганда, бу гөлләр түшәмгә кадәр биек булып үсәләр һәм үз чиратында ел буе дымлылык бүлеп чыгаралар. Моның өчен аларның яфракларына көн саен су сиптерергә кирәк. Аллергияле кешеләргә спарманния яфракларына орынмаска киңәш ителә.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com