Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Карыш буйлы, кат-кат тунлы

Карыш буйлы, кат-кат тунлы

Лилия Гәрәева
Лилия Гәрәева
03 апреля 2015
2086 карау
Апрель ае – кәбестә орлыкларын чәчү өчен иң яхшы вакыт. Дөрес, иртә өлгерешле кәбестәне март ахырларында ук чәчсәң әйбәтрәк. Ә менә соң өлгерешле һәм башка сорт кәбестәләрне апрельдә чәчәргә кирәк.

Бакчага чыгарып утыртканда яхшы уҗымның инде 5-6 яфрагы булырга тиеш. Бу – 6-7 атналык уҗым дигән сүз. 2-3 яфраклы уҗымны да утыртырга мөмкин. Ул да яхшы үсеп китә. Май салкыннары кәбестәгә куркыныч түгел. Тик бу чәчәк кәбестәгә, савой һәм брюссель кәбестәсенә кагылмый, алар салкынга тиз бирешә.

Кәбестә уҗымын тәрәзә төбендә үстерүе бик кыен. Кысан җирдә еш кына аның сабагы черүчән була («черная ножка дигән авыру). Бу чирне булдырмас өчен, кәбестә уҗымын артык куе чәчмәскә, күләгәләмәскә тырышырга кирәк. Черек чире салкын һәм артык дымлы туфракта тарала. Уҗымнар тишелеп чыгып, беренче чын яфрак чыкканчыга кадәр, кәбестәгә бөтенләй дә су сипмәскә кирәк.

Сәламәт, нык уҗым алу өчен кәбестәне бакчаның кояшлы, җилдән ышык бер җирендә пленка астына чәчеп үстерү отышлырак. Апрельнең унбишләрендә чәчсәң дә, өлгерәсең әле. Тик шунысы бар, кәбестә уҗымын әвернә канатлы теләләр бик ярата. Алардан саклану өчен уҗым өстенә әледән-әле агач көле бөркергә кирәк. Беренче чын яфрак чыгаргач, уҗымны иркенрәк итеп күчереп утырталар. Үсемлекләр арасы 5 см чамасы булсын.

Даими җиргә кәбестәне болытлы көнне яки кичке якта күчерәләр. Алдан-алы уҗымга әйбәтләп су сибәләр. Һәр үсемлекне кечкенә көрәк белән аерым-аерым алып, берәр подноска куя баралар.
Уҗымнарны кечкенә чокырларга утырталар. Рәт аралары 50-60 см, рәттәге үсемлекләрнең арасы шулай ук 50-60 см булсын (чәчәк кәбестәгә үсемлекләр арасы 30 см булса да җитә). Уҗымнарны утыртып чыккач, сеңдереп җылымса су сибәләр һәм коры туфрак, черемә белән мүлчәлиләр. Күмгән вакытта үсенте бөгелеп калмасын. Кәбестәнең яфраклар арасындагы үсү ноктасы да туфрак белән күмелеп калырга тиеш түгел.

Тамыр ныгытканчы, кәбестәне төпсез чиләк белән каплап куйсаң яхшы. Бетләрдән, теләләрдән саклау өчен, өстеннән көл бөркергә дә онытмагыз.

Киләчәктә кәбестәне корткычлардан саклау чаралары турында да сөйләшербез.

фото: https://pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com