Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Ташлар сихәте

Лилия Гәрәева
Лилия Гәрәева
23 июня 2016
1265 карау
Авантюрин – эчендә көмешсу ком бөртекләре җемелдәшкән сары, яшел, көрән төстәге таш. Кәеф күтәрү, күңелне алгысыту, зиһенне ачу куәтенә ия. Хуҗасын бозымнан саклый. Яшел авантюрин кешенең аурасын чистарта, хисләрне тынычландыра.

Аквамарин – яшкелт-зәңгәр төстәге үтәкүренмәле таш. Гаилә бәхете сагында торучы булып санала. Суда чакта бәла-казалардан саклый. Хәвеф-хәтәр буласын алдан кисәтә – төсе үзгәрә.




Аметист – шәмәхә төстәге кварц. Императорлар ташы диләр аны. Хуҗасына уңыш, байлык китерә. Күз күремен, ашказаны эшчәнлеген яхшырту үзлеге бар. Яңа мәгълүматны истә калдырырга ярдәм итә.

Ай ташы – гашыйклар ташы. Гаиләдәге тугрылыкны, өлфәт мәхәббәтне саклый. Хуҗасына «тел ачкычы» бирә – әйтәсе килгән фикерне башкаларга җиңел аңлатырга булыша. 

Гагат – кара төстәге яшма. Озакка саубуллашасы кешегә бүләк итәләр. Күңел төшенкелеген бетерә, күз тиюдән саклый. Баш сызлавын басу үзлеге билгеле. Күңелдәге үпкә, рәнҗүләрне куа.



Гәрәбә – күңел сизгерлеген арттыра, бик күп авырулардан шифасы бар. Гәрәбә тагып йөргән хатын-кыз тиз картаймый, күңеле тыныч, шат була. Өйдә дә гәрәбәдән ясалган берәр әйбер тотарга кирәк – ул ут хәвефеннән, караклардан саклый.

Гематит – бик көчле талисман дип санала. Аны элек солдатларга такканнар. Куркуны җиңә, тәвәккәллек өсти. Канны чистарту, гемоглобинны күтәрү, сөяк җелеген яхшырту, кан басымын көйләү кебек сихәте бар.




Гранат – гашыйклар талисманы, дуслык ташы. Хуҗасына күңел көрлеге, шатлык хисе бирә. Организмдагы ялкынсынуларны җиңәргә ярдәм итә, салкын тигәннән шифасы бар.

Коралл – явыз көчләрдән, зәхмәттән саклый. Бәхет чакыра. Акылны арттыра, тынычландыра. Гел туңып йөри торган кешеләргә шифасы бар. Энҗе белән бергә такканда хатын-кыз авыруларын җиңәргә ярдәм итә.

Малахит – караңгы яшел төстәге бизәкле таш. Малахит таккан кешенең теләге тиз кабул була. Балаларга күз тимәсенгә тагалар. Яман чирдән, бозымнан саклый. Белем алучыларга да аны тагарга кирәк
– өйрәнгәнең тиз истә кала. Ревматизмны җиңәргә булыша. 



Нефрит – көчле энергетикалы таш. Нефрит таккан кешенең белемгә омтылышы арта. Күңел төпкелегендәге яшерен хисләрне аңларга булыша. Үпкә һәм йөрәк эшчәнлеген көйли, күз күремен, колак ишетүен яхшырта. 

Топаз – муллык чакыручы таш. Ерак сәяхәтләргә чыкканда үзең белән топаз алырга кирәк, ул яхшы ниятле кешеләрне җәлеп иттерә. Иммун системасын ныгыта. Астмадан, подаградан, эпилепсиядән шифасы бар.


Фирүзә – байлык, муллык чакыручы таш. Хуҗасын яманлыктан саклый. Кияүгә чыгасы килгән кызларга фирүзә кашлы алка-беләзек кияргә киңәш итәләр. Күңел сизгерлеген арттыра, тәвәккәллек бирә, йокысызлыктан дәвалый.

Хризолит – күрәзәлек сәләтен ача. Йолдызбагарлар һәм күрәзәчеләр ташы булып санала. Нервлары какшау кешеләргә сихәте бар. Йокыны тыныч итә, төнлә «бастырылу»дан булыша.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com