Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

​Flylady системасы

Ландыш Әбүдарова
Ландыш Әбүдарова
13 мая 2016
1221 карау
Көндәлек мәшәкатьләрдән йончыган хуҗабикәләр өчен флайледи системасы бар. Аны 1999 елда Марла Силли исемле шундый ук хуҗабикә уйлап чыгарган. Әлеге систе­маның нигезендә авторның шәхси тәҗрибәсе ята. «Белсә­гез иде минем моннан ничек туйганымны!» дигән җан ава­­зы танышмы сезгә? Үзегезне плитә янында, идән чүп­рәге тоткан килеш һәм себеркедән башка күз алдына китерә алмыйсызмы? Әфсенләнгәндәй, әсирлек боҗрасын­да итеп хис итәсезме? Бәлки, хәлләр алай ук аяныч түгелдер? 

Марланың «finally loving уourself» – «үзеңне ярат, ни­һаять» дип аталган системасы хуҗабикәләр арасында интернет аша дөнья буйлап тиз арада тарала бара. Хуҗа­бикәләрнең иҗтимагый оешмасы түгел бу, ә вакытны дөрес оештырырга өйрәнү өчен кулланма, ягъни хуҗаби­кәләр өчен ярдәмлек. 
Теләсә кайсы системадагы кебек флайлединың да үз терминологиясе бар. Төп төшенчәләре өчәү: зоналар, көндәлек мәшәкатьләр һәм контроль кенәгәсе яки көндәлек. 

Зоналар, аңлашылганча, өйдәге яки фатирдагы бүлмә­ләрне, мәйданнарны күз уңында тота: аш бүлмәсе, юыну бүлмәсе, йокы бүлмәсе, коридор һәм башкалар. Һәр зонага аерым атна багышларга була. 

Көндәлек мәшәкатьләр. Төп бурыч – аларны ялкыткыч эштән яратып башкарыла торган шөгыльгә әйләндерү. Алар иртәнге һәм кичкегә бүленә. Иртәнгесенә теш чистарту, иртәнге аш яки макияж салуны кертергә була. Кичкесенә юыну, йоклар алдыннан китап укудан тыш, иртәгәсен һичшиксез үтәлергә тиешле эшләр дә теркәлеп куелырга тиеш. 

Көндәлек. Ул берничә бүлектән тора. Беренчедән, ат­на­лык план. Һәрбер көннең төп эше аерып билгеләнә: кибет­кә бару, кер юып үтүкләү, тәрәзә челтәрләрен алыштыру һәм башкасы. Шулай ук ваграк эшләр дә планда теркәл­сен. Икенчедән, кенәгәдә кирәге чыгардай телефон номерлары язылган бүлек булырга тиеш. Рецептлар өчен аерым бүлек. Һәм шәхсән үзегез өчен кызыклы идеяләрне, фикер­ләрне теркәп бару өчен аерым бүлек булдырырга кирәк. 



Флайледи өчен кирәк булырга мөмкине:

* таймер (аның өчен вакыт олигархларныкы кебек үк кадерле төшенчә, тигез табанлы аяк киеме кебек үк); 
* чиста раковина (бу теләсә кайсы хуҗабикәнең йөзе!); 
* башмак урынына туфлиләр (монда халат урынына күлмәк яки җыйнак киемне дә өстисе килә, хуҗабикәләр өчен дресс-код юк дигәнгә ышанмагыз, көнчыгыш хатын-кызлары бу җәһәттән безнең өчен үрнәк – алар өйдә дә матур). 

Флайлединың принциплары: 
* өйдә чүп-чар, кирәкмәгән әйбер сакламаска, алардан котыла барырга;
* өйдә «кайнар нокталар» була, ул урыннарда пычрак тизрәк җыела, шуңа күрә андый җирләрне күз уңыннан ычкындырмагыз; 
* колач җитмәстәй эшкә берьюлы алынмагыз, флайледи системасына да кинәт кенә күчмәгез, беренче итеп чиста раковинадан башлагыз, калганы үзеннән-үзе киләчәк. 

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com