Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Хоккей хакында

25 декабря 2015
1509 карау
Хатын-кызлар спорты бүген гадәти хәл. Әмма бу мәйданда урын яулау җиңел булмаган – озак вакыт хатын-кыз спортның үзе сайлаган төрләре белән түгел, ә бәлки рөхсәт ителгәннәре белән генә шөгыльләнә алган. Хатын-кызларның җәмгыятьтәге урыны төрлечә булган кебек, аларның спортка керү процессы да төрле илләрдә тигез бармаган. Бүген инде үсеп килүче илләрдә дә меңнәрчә кызлар спорт­ның төрле төрләре белән шөгыльләнә. Ләкин бу – спортка мәхәббәт дигән сүз түгел, ә кияүгә уңышлырак чыгу өчен спорт ачкан мөмкинлекләрне күз алдында тоту гына: физик күнегүләр белән мавыккан кызлар сәламәт, матур, сылу гәүдә­ле була. Гаиләле булуга, хатын-кызлар спортны ташлый. 

Икенче Бөтендөнья сугышыннан соң колониаль бәйлелектән котылган Африка илләрендә дә спортка тартылу күзә­телә. Әмма ирләр катнашкан спорт төрләре белән хатын-кызлар күптән түгел генә шөгыльләнә башлаган. Моңарчы алар бию, музыка һәм төрле уеннар белән генә шөгыльләнә алган.
Ирак хөкүмәте 1958 елга кадәр хатын-кызларга халыкара ярышларда катнашуны тыйган. Иранда, гомумән, хатын-кызларга физик күнегүләр белән янында ире булганда гына шөгыльләнергә рөхсәт ителгән.  

XX гасыр ахырында спорт мәсьәләләре белән шөгыль­ләнүче дәүләт оешмаларында хатын-кызның статусы бермә-бер үсә. Алар халыкара спорт берләш­мәләрендә дә күбрәк катнаша башлый. 1981 елдан 1987 елгача Халыкара олимпия комитеты составына җиде хатын-кыз кертелә.

 XX гасырда япон хатын-кызларының да спортка мөнәсәбәте үзгәрә. Моның сәбәбе – Япониядә Олимпия уеннары узуы. Чирәм хоккее белән хатын-кызлар Беренче бөтендөнья сугышына кадәр үк шөгыль­ләнгән. 1927 елда Англиядә «Хатын-кызлар хоккей клубының халыкара федерациясе» дип аталган халыкара спорт оешмасы барлыкка килә. Ишкәк ишү спорты да нәкъ шул чорларда колач җәя. 1914 елны АКШ, Канада, Бөек­британия, Франция, Швеция һәм Германиядә Милли федера­цияләр оештырыла. Спортның бу төре буенча ярышлар беренче мәртәбә 1925 ел­да узса да, хатын-кызлар уеннарга бары 1948 елда – XIV Олимпиада вакытында гына кертелә.

Хатын-кызлар арасында шайбалы хоккей уены беренче тапкыр 1892 елда уза.  

фото: http://pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com