Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → ​Йөзем-күрәгәле, инжирлы һәм чикләвекле «Мазурка» кексы

​Йөзем-күрәгәле, инжирлы һәм чикләвекле «Мазурка» кексы

Марина Дмитриева
Марина Дмитриева
13 мая 2019
460 карау


Йөзем-күрәгәле, инжирлы һәм чикләвекле «Мазурка» кексы – хуш исле, бик тиз һәм җайлы гына әзерләнә торган десерт. 


 
Кирәк



югары сортлы 250 г он; 

бер ярым апельсин; 

5 данә инжир; 

5 данә әстерхан чикләвеге; 

5 данә күрәгә; 

1 аш кашыгы өеп – кара йөзем; 

1 аш кашыгы сары йөзем; 

2 аш кашыгы өеп – бал; 

60 г үсемлек мае; 

1 аш кашыгы ванильле шикәр ; 

7 г көпшәрткеч (разрыхлитель); 

бер чеметем тоз; 

өстенә сибәр өчен – шикәр пудрасы. 

 

Эш барышы

Йөземне, күрәгәне, инжирны бик әйбәтләп юарга. Чикләвекне чистартып, вак-вак кисәкләргә турыйбыз да табада кыздырып алабыз. 

Иләнгән онга тоз, ванильле шикәр, көпшәрткеч кушабыз. 

Апельсинны кабыгыннан чистартып, блендерда боламык булганчы издерәбез. Әзер булгач, он янына кушабыз. 

Рафинадланган үсемлек маен да он янына агызабыз. 



Бал салабыз. Менә хәзер шуларның барысын да болгатабыз. Күзгә күренеп камыр куыкланып куерачак. Апельсин кислотасыннан бал да бик тиз эреп бетәчәк. 

Йөзем-күрәгәле, инжирлы һәм чикләвекле яшелчәләрне (инжир белән күрәгәне турап) камырга кушып, әйбәтләп катнаштырабыз. Аннан соң камырны бер 10 минут чамасы вакытка куеп торабыз. 



Табаны майларга кирәк түгел. Бары тик фольга гына җәеп, камырны шунда урнаштырабыз. Тигезлибез. 



230 градуска кадәр кызган духовкага 20-30 минутка куябыз. 



Өлгергәнлеген коры чыра төртеп белеп була. 

Суынгач, фольганы алып куябыз (ул камырга ябышмый да, аны бозмый да). 

Иртәнге чәйгә кекс әзер. 

Чәйләрегез тәмле булсын! 

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com