Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → Цветаевадан кура җиләгеннән пирог


Цветаевадан кура җиләгеннән пирог

Марина Дмитриева
Марина Дмитриева
11 мая 2018
1396 карау
Апалы-сеңелле Цветаевалар үзләренең җиләк-җимеш пироглары белән дуслары алдында дан тоткан. Шулар арасыннан кура җиләгеннән пешкән пирог та бар. Әлеге пирогның камыры – песочный. Эчлеге – каймаклы. Камырын ясаганда ике пироглык итеп ясап, калган камырын 2-3 көнгә суыткычка куеп катырып сакларга да мөмкин. Ә эчлеген инде пирогның үзен пешергәндә генә ясыйбыз. Шулай итеп, әлеге рецептның камыры ике пирог өчен исәпләнгән.
 

Кирәк:

(диаметры 30 сантиметрлы табага исәпләнгән ике пирог өчен)
* 450 г бодай оны;
* көпшәкләндергеч (разрыхлитель) урынына: берәр бал кашыгы чәй содасы, крахмал, лимон кислотасы;
* 180 г атланмай;
* 9 граммлы 1 кап шикәрле ванилин;
* 5 аш кашыгы шикәр комы;
* 2 йомырка;
* бер чеметем тоз.


Эчлек өчен:
(бер пирог өчен)
* 450 г каймак;
* 4 йомырка;
* 5 аш кашыгы шикәр комы;
* 2 аш кашыгы кукуруз оны;
* 150 г кура җиләге;
* 2 аш кашыгы кукуруз крахмалы.
 


Эш барышы:

1. Иләнгән онны, бер кап шикәрле ванилинны һәм шикәр комын табакка салып, барысын бергә катнаштырабыз.


2. Салкын атланмай өстәп, коры массаны валчык итеп уабыз.


3. Әзер көпшәкләндергеч урынына берәр бал кашыгы чәй содасы, лимон кислотасы, крахмалны  барлыкка килгән валчык белән кушабыз.


4. Шунда ук бер чеметем тоз, 2 йомырка өстәп, камыр изәбез.



5. Әзер камырны түгәрәкләп, пакетка салабыз һәм бер сәгатькә суыткычка куеп торабыз.


6. Аннары җәймә итеп җәеп, ярты җәймәне уклауга урыйбыз.


7. Шул рәвешле, камырны табага алып куябыз да, таба кырые буйлап калган камырны кисеп алабыз.



8. Камыр өстенә «бумагу для запекания»не җәеп, өстенә борчак салабыз.15-20 минут 200 градуска кадәр җылытылган духовкага тыгып торабыз. Аннан борчак белән кәгазьне алып куябыз.


9. Катырылган кура җиләгенә 2 аш кашыгы крахмал кушабыз.


10. Миксер савытына 4 йомырка, 5 аш кашыгы шикәр комы һәм 450 г каймак, 2 аш кашыгы кукуруз оны салып, бер массага килгәнче күпертәбез.


11. Камыры пешеп чыккан табага кура җиләген салып чыгабыз да өстенә миксерда күперткән сыекчаны агызабыз.
25-30 минутка 200 градуска  кадәр җылынган духовкага урнаштырабыз.


12. Пирог әзер булгач, суынгач кына чәй табынына кисеп чыгарабыз. Кофе янына чыгару да мөмкин.
Чәйләрегез тәмле булсын!

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com