Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → Дарчинлы (корицалы) тәмле толым


Дарчинлы (корицалы) тәмле толым

Марина Дмитриева
Марина Дмитриева
04 мая 2018
1168 карау

Кирәк:

(30-40 сантиметрлы үргеч өчен)

* 1 кг чамасы он;
* 250 мл сөт;
* 12 г коры чүпрә;
* 160 г  песок;
* 3 данә йомырка;
* 100 г маргарин;
* 1 кап (10 г) ванильле шикәр;
*  1 аш кашыгы манный ярмасы.

Эчлек өчен:
* 3 аш кашыгы шикәр комы;
* 3 чәй кашыгы дарчин (корица);
* өстен майлар өчен – йомырка;
* эчен майлар өчен үсемлек мае.

 

Эш барышы:

1. Җылы сөткә махсус «Дрожжи для сдобы» дигән 1 кап коры чүпрә (сатуда ул бар), 1 аш кашыгы шикәр комы салып болгатабыз. Ярты стакан он кушабыз да күперергә куябыз.


2. Йомыркаларны калган шикәр комы белән агарганчы һәм кабарып чыкканчы күпертәбез.


3. Аннары күтәрелергә өлгергән чүпрә белән икесен дә катнаштырабыз.


4. Шунда ук 1 кап ванильле шикәр өстибез.


5. Камыр картаймасын, свежий килеш озак торсын өчен, 1 аш кашыгы манный ярмасы салып җибәрәбез.



6. Камырны болгата-болгата, эретелгән маргаринны әкренләп шунда ук агызабыз.



7. Иләнгән онның яртысын салып, миксер белән күпертәбез. Аннары калган онны да салып бетереп, кул белән изәбез. Камыр әзер булгач, савытка салып, өстен ябып, 2-3 сәгатькә җылы урынга куябыз.


8. Камыр күпереп менгәч, өч кисәккә бүләбез. Һәрберсен юка гына җәемнәргә җәябез.

9. Җәемнәрне үсемлек мае яисә йомшаган атланмай белән майлыйбыз. Өстеннән дарчин белән шикәр комы сибәбез.


10. Рулет итеп төрәбез дә кырыйларын бөрәбез. Табага алып салабыз.


11. Ә хәзер табада килеш рулетның бер кырыеннан икенче кырыена таба килеп җитмичә, бераз ара калдырып, кисеп чыгабыз. Киселгән өлешнең берсен кырыйга алып куябыз, берсе урынында кала. Янә бер өлешен кырыйга алып куябыз, берсе урынында кала. Шулай итеп буеннан-буена барабыз...



12. Барлыкка килгән үргечне алтынсу төскә кереп пешсен өчен, тугланган йомырка белән майлыйбыз.



13. 20-25 минутка 200 градуска кадәр җылытылган духовкага куеп пешерәбез.


Чәй табынына бик тәмле ризык булыр ул.
Чәйләрегез тәмле булсын!

 
фото: Марина Дмитриева

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com