Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → «Өч теләк» кексы


«Өч теләк» кексы

Марина Дмитриева
Марина Дмитриева
25 апреля 2018
850 карау
Гаиләгез белән түгәрәк табында тәмле итеп чәй эчәргә менә дигән кекс рецепты! Үзе мәкле, үзе чикләвекле, үзе йөземле! Кексның тәмлелеген баллыны яратучылар да, балалар да тиешенчә бәяләрләр. Ясап карыйк, әйдәгез.
 

Кирәк:

* 300 г он;
* 160 г атланмай;
* 4 данә йомырка;
* 160 г шикәр комы;
* 1 аш кашыгы мәк;
* 2 аш кашыгы йөзем;
* 2 аш кашыгы төелгән әстерхан чикләвеге;
* 2 чәй кашыгы көпшәгеч (разрыхлитель);
* 1 г ванилин;
* өстенә сибәр өчен шикәр пудрасы;
* таба майлар өчен үсемлек мае.

 

Эш барышы:

1. Йомырка белән шикер комын агарганчы һәм күләме артканчы миксерда күпертәбез.


2. Шунда ук йомшарган атланмай белән көпшәгеч өстибез.



3. Ванилин кушабыз.


4. Барлыкка килгән катнашмага он иләп салабыз һәм әйбәтләп туглыйбыз.



5. Камырны өчкә бүләбез. Берсенә мәк салабыз, икенчесенә – йөзем, өченчесенә – кыздырып төелгән әстерхан чикләвеге.


6. Табаны үсемлек мае белән майлыйбыз. Башта йөземле камырны салабыз. Тигез итеп таба буенча урнаштырабыз.


7. Икенче кат итеп мәкле камырны салабыз.


8. Өченче катка тигез итеп чикләвекле камырны җәябез.



9. 200 градуска кадәр кызган духовкада 40-50 минут пешерәбез.
Кексның әзерлеген агач чыра белән тишкәләп тикшереп карыйбыз.


10. Кекс суынып беткәч, өстен иләк аша шикәр пудрасы белән каплыйбыз.

Кексыбыз бик аппетитлы һәм хуш исле булып пеште... ммм...

Чәй табынына бирәбез. Чәйләрегез тәмле булсын!

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com