Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → Кәбестәле кетердәвек


Кәбестәле кетердәвек

Марина Дмитриева
Марина Дмитриева
21 марта 2018
1053 карау

Кирәк:

камыр өчен:
* 400–500 г бодай оны;
* 0,5 стакан (100 мл) үсемлек мае;
* 0,5 стакан (100 мл) су;
* берәр чәй кашыгы тоз, песок;
 
эчлек өчен:
зур булмаган ярты баш кәбестә;
эрерәк 1 баш суган;
1 тотам петрушка үләне;
тәменчә тоз;
майлар өчен – куе итеп пешерелгән чәй.
 
 

Эш барышы:

1. Табакка 400 г он иләп салабыз. Берәр чәй кашыгы тоз, песок, яртышар стакан үсемлек мае белән су өстибез. 




2. Барысын бергә кушып, йомшак кына итеп – кулга ябышмаслык итеп камыр басабыз. Өстен томалап, ярты сәгатькә җылы урынга күперергә куябыз.


 

3. Кәбестә белән петрушканы вак итеп турыйбыз, тоз салып, болгатабыз.


 
4. Үсемлек маенда туралган суганны кыздыргач, кәбестәне дә шунда салып, капкачын томалап сүрән утта әзер булганчы пешерәбез. Пешеп чыккач, җылымса булганчы суытабыз.
 



5. Камыр кисәген юка итеп – үтә күренмәле булганчы җәябез. Өстенә юка гына итеп эчлек салабыз да...



...трубка итеп төрәбез.



6. Шулай итеп башка камыр кисәкләреннән дә трубкалар ясап, майланган табага җөе белән аска таба тезәбез. Өстен, алсуланып пешсен өчен, куе итеп пешерелгән чәй белән майлап алабыз. 30-40 минутка 200 градуска кадәр җылытылган духовкага тыгабыз.



7. Әзер ризыгыбыз катламлы камырны хәтерләтә – үзе юка, үзе кетердәвекле, эчлеге дә сусыл була.
 


Ашларыгыз тәмле булсын!
  

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com