Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → Катламлы камырдан алма пирогы


Катламлы камырдан алма пирогы

Марина Дмитриева
Марина Дмитриева
05 февраля 2018
1184 карау
Ванилин, дарчин хушисе килеп торган бу пирог бик тәмле. Әлеге пирогны кайнар килеш туңдырма белән ашарга тәкъдим итәм. Бик тәмле!
 

Кирәк:

* 500 г әзер катламлы камыр;
* 5 аш кашыгы шикәр комы;
* 1 чәй кашыгы дарчин (корица);
* 1 чеметем ванилин;
* 2 яшел алма;
* 1 аш кашыгы лимон согы;
* 1 аш кашыгы өеп кукуруз крахмалы;
* 40 г атланмай;
* пирогның өстен майлар өчен 1 йомырка;
* таба төбен майлар өчен атланмай;
* 100 г пломбир;
* 20 см диаметрлы таба.
 
 

Эш барышы:

 
1. 5 аш кашыгы шикәр комын 1 аш кашыгы дарчин,  бер чеметем ванилин белән кушарга. Бу катнашма камыр өчен дә, эчлек өчен дә җитә, аны өчкә бүләбез.

 
2. Әзер катламлы камыр, гадәттә, ике өлештән тора. Шуның бер өлешен юка гына итеп җәябез. Атланмай белән майлап, өстенә песок, дарчин, ванилин катнашмасы сибәбез.

 
3. Рулет итеп төрәбез.

 
4. Биеклеге 2-3 см булган «ролл» формаларына кисәбез.

 
5. Барлыкка килгән «ролла»ларны табага тезеп чыгабыз.

 
6. Бармак очлары белән генә тиеп, ролларны тигезләп чыгабыз. Ул тип-тигез җәймә булып калырга тиеш.

 
7. Алма яшел, әчкелтем булса, әйбәт. Кабыгыннан әрчеп, шакмаклап турыйбыз. Каралмасын өчен, лимон согы сиптерәбез. Алма өстенә песок, дарчин, ванилин катнашмасының икенче өлешен кушабыз. Кукуруз крахмалы өстибез (бәрәңге крахмалы булса да ярый). Болгатабыз.


8. Эретелгән атланмай белән табадагы камырны майлыйбыз.

 
9. Эчлекне табадагы камыр өстенә салабыз.

 
10. Камырның икенче өлешен дә шулай ук җәеп, рулет ясыйбыз. Беренче очрактагы кебек, рулеттан «ролла»лар ясыйбыз. Бу очракта да атланмай белән майлап, өстенә песок, дарчин, ванилин катнашмасы сибәбез. Аларны бер-берсенә якын итеп «пищевая пленка»га тезеп, өстенә икенче пленка каплап, уклау белән җәябез.


11. Барлыкка килгән җәймә белән эчлек өстен каплап, кырыйларын бөреп чыгабыз. Өстен күперткән (взбитое) йомырка белән майлап алабыз.
  
 
12. 200 градуска кадәр җылытылган духовкада 35 минут пешерәбез.
 
13. Табынга кайнар килеш туңдырма белән чыгарабыз.

 
Ашларыгыз тәмле булсын!

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com