Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Тәбикмәк

04 июля 2017
3032 карау



“Хөрмәтле редакция!

Мин тәкъдим иткән тәбикмәкнең бар сере әче камырда. Әче камыр тәм бирә, ә чүпрә камырны тишекле итеп ка­барта. Шуның өчен элегрәк куелган камырдан тавык йомыркасы зурлыгында әче камыр калды­рырга кирәк. Тәбикмәк коры табада пешерелә, шуңа күрә ашказаны өчен дә җиңел ризыктан санала. Тишекле-тишекле булып пешкән тәбикмәкләрне атланмай белән майлап яисә варенье­га манып ашарга кирәк.
Гөлчәчәк әбиегез.
Яр Чаллы шәһәре”.

1 литр җылы сөткә 1 аш кашыгы тоз, 1 аш кашыгы шикәр комы, әче камыр, 25 г чүпрә салып болгатыгыз. Аннары, он өсти-өсти, куе коймак камыры хәленә китерегез. 2-3 сәгать әчеткәч, тугланган 2 йомырка кушып, яңадан болгатыгыз. Монысы камырны яңарту дип атала. Кабартырга куйган камыр эченә аш чүмечен салып калдырырга кирәк. Камыр күбек­ләнеп кабарырга тиеш.
Шуннан соң кыздырылган табаны берничә тапкыр сыек май белән майлагыз. (Таба башка майланмый!) Кабарган камырны болгатмый гына чүмеч белән шул табага салыгыз. Бер ягы пешкәч, икенче ягын әйләндерегез. Пешкән тәбикмәкләрне чиста тасты­малга тезә барыгыз. Майлагач, бер-берсе өстенә өегез.

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com