Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суКамыр ашлары → ​Кукмарача күзикмәк

​Кукмарача күзикмәк

Рафилә ФӘТТАХОВА
Рафилә ФӘТТАХОВА
01 июня 2017
3382 карау



Бөтендөнья татар хатын-кызларының «Ак калфак» иҗтимагый оешмасы, милли аш-су әзерләүчеләрнең мастер классларын , шулай ук төрле бәйге чаралары үткәреп тора.
Шушы мастер класслар вакытында уңган пешекчеләр үзләренең камыр әйберсе пешерү серләрен ачып салалар.
Мин үзем дә Казанда үткән мастер классларда катнашкан идем.

«Ак калфак» иҗтимагый оешмасы рәисе Кадрия Идрисованың илебезнең төрле почмакларыннан, шулай ук чит илләрдән килгән милләттәшләребез каршында ясаган бик мәгънәле чыгышлары мине сокландырды. Хатын-кызлар арасында аның үз-үзен тотышына да сокланмый мөмкин түгел.
Без дә Кукмара Атлас Булатов исемендәге 2нче номерлы күппрофильле лицейда укучы кызлар, укытучылар һәм Кукмара «Ак калфак» оешмасын җитәкләүче Зөмәрә Җиһаншина белән берлектә мастер класс үткәрергә булдык. Чәк-чәк пешерербез, дип уйлап йөргән идек, аның белән тамак туймый бит. Аны туклангач кына кабып куясың. Шуңа күрә без ит фаршы белән бәрәңгедән күзикмәк (кыстыбый) һәм үзебезчә гөбәдия пешерергә булдык. Туклыклы да, тәмле дә.
Мәктәпнең укучыларны пешерү серләренә өйрәтү өчен хәзерге көн таләпләренә туры китереп җиһазландырылган зур аш-су пешерә торган бүлмәсе бар. Искиткеч бүлмә. Моның өчен алар мәктәп директоры Камалова Любовь Степановнага бик зур рәхмәтле.



Пешердек. Барысы да без уйлаганча әйбәт килеп чыкты. Укучы кызларыбыз үзләре дә пешереп карадылар. Өйгә кайткач, әниләребезгә дә пешереп күрсәтәбез, диделәр.
Чәй өстәле янында үзебез пешергән ризыклар белән сыйланып, фикер алышу дәвам итте.
Спонсорлык ярдәме күрсәткән Асия Булатовна, Илзира Сәляхова, Ленар һәм Диләрә Гатауллиннарга, балаларны сөендергәннәре өчен, Аллаһы Тәгалә үзләрен сөендерсә иде. Юмартлык белән мал бетмәс, бәлки артуга сәбәп булыр. Амин шулай булсын.



Күзикмәк (кыстыбый) пешерү рецепты.

Камыр ясау: 1,5 стакан җылымса сөткә аз гына тоз салып каты булмаган камыр басасы, бу камырдан 14 кыстыбый чыга. Җәйгән түгәрәкләрне, кызган табага 2 аш кашыгы сыек май салып, ике ягын пешереп аласы. 
Эчлеге: Бәрәңгене тозлы суда пешереп төясе. Аңа пешкән суганлы ит фаршы, 2 аш кашыгы оливковый майонез, аз гына сыер мае, җылымса сөт салып болгатасы һәм пешкән камырга салып төреп куясы.


Гөбәдия рецепты.

Камыр ясау
1 стакан су
0,5 стакан көнбагыш мае
0,5 чәй кашыгы тоз
1 чәй кашыгы шикәр комы
1 йомырка
2 аш кашыгы майонез
25 гр чүпрә
Йомшак кына камыр басасы, 40 минутка суыткычка куясы
Эчлеге:
1,5 стакан йөзем җимеше
1,5 стакан дөге бүрттерәсе
300 гр корт (кызыл эремчек)
350 гр сыер мае 
шикәр комы.

Ашларыгыз тәмле булсын!

 

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com