Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»


Кекслар

Марина Дмитриева
Марина Дмитриева
03 сентября 2018
974 карау
Кексларның камыры күпереп, әз генә дымлырак булып тора. Шарлотка өчен дә, башка төрле купшы тортлар өчен дә кулай. Бу камыр үзе гади генә, ә нәтиҗәсе – искитмәле!
 

Кирәк:

(18 кекс өчен)
* 2 стакан он (250 мл);
* 1 стакан шикәр комы;
* 4 аш кашыгы какао;
* 2 чәй кашыгы камыр күперткеч (разрыхлитель);
* бер чеметем тоз;
* ярты стакан кайнап чыккан кайнар су;
* ярты стакан сөт;
* 2 йомырка;
* стаканның 1/3 өлеше үсемлек мае;
* 1 г ванилин.

1. Бер савытка коры булган ингредиентларны – 2 стакан онны, 1 стакан шикәр комын, 4 аш кашыгы какаоны, 2 чәй кашыгы камыр күперткечне, 1 г ванилинны, бер чеметем тозны бергә кушабыз.


2. Сөт белән йомырканы кушып, миксер белән күпертәбез.

 
3. Шунда ук стаканның 1/3 өлеше үсемлек мае өстибез. Аннары, кулда эшләп торган миксер тоткан килеш, ярты стакан кайнар су агызабыз.


4. Коры ингредиентлардан торган катнашмага, икегә бүлеп, сыек катнашманы өстибез һәм 5 минут вакыт чамасы миксер белән күпертәбез.


5. Силикон формаларны табага урнаштырып, һәркайсына 1/3 өлеш итеп камырны агызып чыгабыз.


6. 25 минут вакытка 230 градуска кадәр җылытылган духовкага куябыз. Әзерлеген тикшерер өчен коры таякчык белән төртеп карыйбыз.


7. Әзер кексларны суытып, табынга чәй яки кофе белән эчәргә чыгарабыз.
Фантазиягезне җигеп, кекслар өчен глазурь ясарга да мөмкин.

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com