Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суДесерт → Кипкән чиядән Львов сырнигы (эремчек пәрәмәче)


Кипкән чиядән Львов сырнигы (эремчек пәрәмәче)

Марина Дмитриева
Марина Дмитриева
29 июня 2018
595 карау
Бик тә хуш исле Львов сырнигы бик популяр санала. Әфлисун тәме дә килгән,  ванильнең хуш исе дә сеңгән, чия тәме дә сеңгән аңа чөнки. Сырникның өсте шикәр ширбәте белән капланганга күрә, чиясе дә баллы бунганга күрә, шикәр комы артык күп кирәк түгел, 15 г ванильле шикәр бик җиткән. Шуны да әйтергә кирәк: авыл йомыркалары булса әйбәтрәк, чөнки, аларның сарысы да сарырак, агы да куерак була.  
 

Кирәк:

* 3 данә авыл йомыркасы;
* натураль ванильле 15 г шикәр;
* 500 г 5% лы эремчек;
* 1 стакан киптерелгән баллы чия;
* 2 аш кашыгы кукуруз оны;
* 1 әфлисун цедрасы;
* пычакның очында гына вак тоз.


Глазурь (шикәр ширбәте) өчен:
* 30 г атланмай;
* 2 аш кашыгы шикәр комы;
* 3 аш кашыгы кибет каймагы;
* 2 аш кашыгы какао порошогы.
 

Эш барышы:

1. 3 йомырканың (сарысы сап-сары булса әйбәт) сарысын – сарыга, агын  акка аерабыз. Сарысын ванильле шикәр белән күпертеп, бертөрле катнашмага китерәбез.


2. Барлыкка килгән катнашмага 2 кап эремчек кушабыз. Эремчекне иттарткычтан чыгартырга да була яисә блендер белән издерергә. Әмма алай итү мәҗбүри түгел.


3. Тагын шушы ук катнашмага кипкән чияне дә салабыз. Болгатабыз. 



4. 2 аш кашыгы кукуруз крахмалы кушабыз. Билгеле булганча, тәмлерәк булсын өчен, сырник әзерләгәндә һәрвакыт бер чеметем тоз өстәргә кирәк. Бу очракта да тозсыз булмас – пычакның очында гына вак тоз салабыз.


5. Хәзер инде йомырканың агын күбекләнгәнче миксер белән күпертәбез.


6. 1 әфлисунның кабыгын вак угычтан уып, күпертелгән йомырка агы белән бергә катнашмага өстибез. Кашык белән, сак кына итеп, бер юнәлештә салынырга тиеш. Катнашмабыз үзенә бертөрле –  көпшәк (воздушное) сыман килеп чыгарга тиеш.


7. Пергамент кәгазенә атланмай сеңдереп, сырник пешерәсе формага җәеп, эремчекле катнашманы шунда бушатабыз. Өстен тигезлибез.
1 сәгатькә 160 градуска кадәр алдан җылытылган духовкага куябыз.


8. Әзер сырникны суынганчы шул формасында калдырып торабыз.


9. Аннары пергаментның кырыйларыннан тотып, сырникны формадан чыгарабыз. Яссы төпле тәлинкәгә өстен аска таба каратып куябыз.

10. Глазурьны ясар өчен бер кисәк атланмай, каймак, шикәр комы һәм какао кушып болгатабыз да утка куябыз. Кайнау кергәнче гел болгатып торабыз. Шикәр комы эреп беткәнче 3-5 минут чамасы утта тотабыз.


11. Әзер шоколад глазурен сырникның өстенә агызабыз һәм кырыйларына да сөртәбез.


12. Суынгач, берничә сәгатькә суыткычка куеп торабыз, аннан соң гына чәй табынына чыгарабыз.
Чәйләрегез тәмле булсын!

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com