Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суДесерт → Җитмеш җиде сихәте бар!


Җитмеш җиде сихәте бар!

21 августа 2017
1209 карау
Кызыл карлыган желесы.
Мондый желе бик үк куе булмаса да, анда барлык витаминнар саклана.
Иң элек кызыл карлыганны сыгып, сок ясагыз. Шуңа шикәр комы кушып, бик салмак утта агач кашык белән болгата-болгата эретегез. Шикәр тәмам эрегәч, желены кайнар килеш стерильләштерелгөн банкаларга тутырып капкачлагыз. Желе акрынлап суынсын өчен, банкаларны юрган яисә тунга төрегез.
Капкач астына спиртка манчылган пергамент кәгазь куеп, банкаларны полиэтилен капкач белен дө капларга мөмкин. Желены суыткычта яки базда саклагыз.

1 стакан кызыл карлыган согына 1 стакан шикәр комы кирәк.

____________________________________

Пешерелгән желе.
Бу желеда витаминнар азрак, аның каравы, ул купкә куерак һәм аны торт, пирожный, печеньеләр бизәу өчен дә кулланырга мөмкин.
Яңа ясалган кызыл карлыган согын табакка салып утка утыртыгыз да, аз-азлап шикәр комы өстәп, болгата-болгата эретегез. Желе әзер булуын белү өчен, табак төбенә агач кашык белән сызып карагыз: ак эз калса, әзер дигән сүз. Кайнар желены стерильләштерелгән ярты литрлы банкаларга тутырып, иртәнгә чаклы ачык тотыгыз. Иртән полиэтилен капкач белән каплагыз.
1 л сокка 800 г шикәр комы кирәк.

___________________________________

Тәлгәшле карлыган.
Үтә күренмәле сироптагы бу тәлгәшле карлыганнарны күптөрле кулинар ризыклар бизәүдә кулланып була. Шулай ук табында десерт буларак та бик матур ул.
Карлыган тәлгәшләрен сөзгечкә салып сак кына юыгыз.
1 стакан суга 1 кг шикәр комы салып, сироп ясагыз. Шуңа карлыган тәлгәшләрен сак кына салып ике тапкыр кайнатып чыгарыгыз. Аннары сөзгеч белән сөзеп алып, банкаларга тутырыгыз. Ә сиропны куерганчы тагын бераз кайнатыгыз. Суынган сиропны карлыганнар өстенә салып, банкаларны капкачлагыз.
1 кг карлыганга 1 кг шикәр комы, сироп ясау өчен 1 стакан суга 1 кг шикәр комы кирәк.

__________________________________


Карлыган мармелады.
Юып корытылган карлыганга шикәр комы, желатин һәм ванилин салып, төнгә калдырыгыз. Иртән болгатып, ярты литрлы чиста банкаларга тутырыгыз да 15 минут стерильләштереп, капкачлагыз.
Ярты килограмм карлыганга (кара, ак яисә кызыл) ярты килограмм шикәр комы, 10 г желатин, ванилин кирәк.

 

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com