Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суДесерт → Кабак – ирләр ашы


Кабак – ирләр ашы

Ирина Телешева
Ирина Телешева
02 марта 2017, 09:00
925 карау

Тәмле дә, шифалы да бу кабак суын Аксубайга «Ел хатын-кызы» конкурсына баргач авыз иткән идек. Аксубайның үзәк китапханәсе җитәкчесе Ирина ТЕЛЕШЕВА бер кабакны да әрәм итмичә, аларны менә шулай куллана икән. Сок сыккыч та кирәк түгел, бик җиңел генә әзерләнә.

Уртача зурлыктагы бер кабакны (3 кг чамасы) чистартып, турап, кәстрүлгә салабыз, 200-300 грамм юылган күрәгә һәм бераз гына су өстәп, пешерергә куябыз. Кабак белән күрәгәне йомшарганчы пешерәбез.

Уттан алып, блендер белән издерәбез (тукмак белән төяргә дә була). Төерләре калмасын өчен, нечкә иләктән уздырабыз. Бик куе булса, кайнаган су белән сыеклыйбыз, 1 лимонның сутын сыгып салабыз. Тәменчә шикәр комы кушарга була.

Кайнап чыкканнан соң тагын 5-10 минут утта тотып, стерильләштерелгән банкаларга тутырып, калай капкач белән томалыйбыз. Тиз генә суынмасын өчен, калынрак итеп төреп тотабыз.

 

Кабакның дәвалау үзлеге турында укыганыгыз да, ишеткәнегез дә бардыр. Кояш төсендәге бу яшелчәдә Менделлев таблицасындагы элеменитларның яртысыннан артыгы бар икән. Моңа өстәп, витаминнар, минераллар, органик кислоталар... Кабакта В төркеменең барлык төр витаминнары да бар диярлек. Кабак яраткан кеше тиз генә картаймый да, чөнки ул «яшьлек витаминнары» саналучы А һәм Е витаминына бай. Башка төр ризыкларда бик сирәк очраучы Т витамины да бар икән анда. Организмны эчтән чистартучы клетчатка белән пектин матәдәләре үзе бер хәзинә. Кабакта калий күп, ә бу йөрәк, кан тамырлары системасын сәламәт итүче микроэлемент санала. Кабак төше цинкка бай, ә бу элемент аеручы ир-атлар өчен мөһим, аларның организмы цинкны күп сарыф итә. Хатын-кызларга караганда, аларга цинк 8 тапкырга күбрәк кирәк.

Менә шушыларны истә тотып, бер дә иренмәгез, кабагыгыз булса, без биргән рецептны кулланып карагыз.

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com