Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суДесерт → Бүләккә — җиләкле чизкейк


Бүләккә — җиләкле чизкейк

Илдар Фәезов
Илдар Фәезов
02 марта 2015
2074 карау

Егетләр!

Сөйгәннәребезгә, якыннарыбызга 8 март бәйрәме уңаеннан менә шундый торт бүләк итик!

Кирәк:


* ярты стакан он
* 700 г эремчек
* 150 г каймак
* 1 стакан шикәр комы
* 1/3 стакан сөт
* 5 йомырка
* ярты стакан үсемлек мае
* җиләк-җимеш
* желатин
 

Эш барышы:


Эремчекне төере беткәнче уабыз, вак угычтан үткәрергә, блендер белән болгатырга мөмкин. Аңа 100 г каймак кушабыз, төерсез генә масса барлыкка килергә тиеш. 
Йомыркаларның агын сарысыннан аерабыз да агына ярты стакан шикәр комы кушып, күпергәнче болгатабыз. Күбекле массага бер-бер артлы ярты стакан он, йомырка сарыларын, ярты стакан үсемлек мае кушабыз. 

Бу массаның бер өлешен кырыйлары 5-6 см биеклектәге формага салабыз. Якынча 5 мм калынлыкта булырга тиеш. Ә калган өлешен эремчеккә кушып болгатабыз. Шуңа тагын ярты стакан шикәр комы, ваниль, сөт өстибез дә, туглап, формага салабыз. Формадагы камыр кырыйлап күтәрелер. 

Духовканы 180 С градуска кадәр кыздырып, форманы мичкә куябыз да 40-60 минут пешерәбез. Мичтән алгач, өстенә 50 г каймакка 2 аш кашыгы шикәр комы кушып болгаткан массаны сылап, берничә минутка калдырабыз. 

Чизкейк өстенә җиләк-җимешләрне тезәбез. Иң соңыннан желе (1 стакан җылымса суга 2 аш кашыгы желатин кушып ясала) коябыз һәм берничә сәгатькә суыткычка куеп торабыз. 

Бәйрәм белән сезне! 

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com