Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеАш-суДесерт → Ак күбектәй торт


Ак күбектәй торт

Дания Фәтхуллина
Дания Фәтхуллина
06 октября 2014, 23:00
7789 карау

«Ашарга пешерергә һәм чәчәкләр үстерергә яратам, — ди Дания апа. — Пешергән ризыкларым тәнгә сихәт бирә, бакча тутырып үскән гөлләремә карап күңелем хушлана. Ирем Әмир, помидорга урын калдырмагансың, дип ачулана да кайчак». Дания апа рецептларны яшүсмер чагыннан бирле җыя икән. «Бу тортны бер генә бәйрәмгә дә пешерми калмыйм мин», — ди ул. Әйдәгез, без дә пешереп карыйк!

Кирәк:

  • 4 йомырка;
  • 350 г чамасы эремчек;
  • 100-125 г атланмай;
  • 3 стакан чамасы шикәр комы;
  • стакан ярым он;
  • ванилин.


Ике йомырка сарысы, аз гына йомшарган атланмай, бер чеметем тоз, он һәм стаканның 3/4 өлеше кадәр шикәр комыннан кашык белән генә йомшак камыр әвәлибез. Әзер камырны майлаган табага җәеп, 5-10 минутка мичкә тыгабыз. Мичне алдан кыздырырга кирәкми.

Ул пешкән арада эремчекле эчлекне әзерлик. Торт өчен корырак эремчек яхшы. Эремчекне ике йомырка сарысы, шикәр комы, ванилин кушып, бик әйбәтләп туглыйбыз.

Мичтәге камырны алып, суынганын көтәбез. Аннан соң шуның өстенә эремчекле эчлекне салып, янә 10-15 минутка мичкә урнаштырабыз. Сулырак эремчеккә вакыт күбрәк кирәк. Мичтән алгач, яңадан суытабыз.

Дүрт йомырка агын яхшылап күпертеп, бер стакан шикәр комы кушабыз. Күбек кашык басып торырлык булсын.

Күбекне эремчек өстенә сак кына түшибез. Артык баскаламый гына тигезләгәч, 125-130 кызулыктагы мичкә тыгабыз. Торт пешкәнче, мич капкачын ачарга ярамый. Мичтә озак тотмыйбыз – тортның өсте аз гына алтынсуланып китсә, ул әзер дигән сүз.

Табаны мичтән алып, тортны тиз үк кисәкләргә бүлгәлибез. Озакка сузсаң, күбек катып китә дә, кисүе кыенлаша. Кискәндә, пычакны әледән-әле суга тыгып алабыз.

Үз рецептыңны җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com