Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → Бер сорауга — ике җавап: Гүзәлем һәм Салават Миңнеханов

Бер сорауга — ике җавап: Гүзәлем һәм Салават Миңнеханов

Зоя СОЛОШИНА
Зоя СОЛОШИНА
09 января 2018
1074 карау
Эстраданың иң оригиналь пары журналистның сорауларына икесе ике бүлмәдә утырган килеш җавап бирде. Йәгез, карыйк әле, җаваплары туры киләме икән?

 

Өйгә азык-төлекне кем сатып ала?

Гүзәлем: Салават.

Салават: Гүзәлем список яза да, мин сатып алып кайтам.

 

Табак-савытны кем юа?

Гүзәлем: Мин дә, Салават та.

Салават: Кем җитешә, шул юа. Эшне беркайчанда «синеке», «минеке»гә бүлмибез.

 

Өйгә нәрсәләр сатып аласыгыз бар?

Гүзәлем: Азык-төлек.

Салават: Сөт беткән.

     

Гаиләдә акча кем кулында?

Гүзәлем: Өйдә – бер тартмада ята. Уртак.

Салават: Уртак.

 

Гардеробта кемнең киеме күбрәк?

Гүзәлем: Өйләнешкәнче Салаватныкы күбрәк иде. Ун пар джинсы чалбары бар икәнен күргәч, шаккаткан идем. Ә хәзер киресенчә.

Салават: Иллегә – илледер. Икебезнеке дә бертигез.

 

Салават өчен иң кадерле өч әйбер?

Гүзәлем: Машина, телефон, никах балдагы.

Салават: Материаль әйбер өчен артык җан атып тормыйм. Әйтик, машина... Телефондыр. Һәм, 300 сум гына торса да, көмеш никах балдагым.


      


Яраткан ризыгыгыз?

Гүзәлем: Салаватның – манты. Ә минем – барлык җиңел ашлар.

Салават: Мөгаен, Гүзәлем мин пешергән ризыкларны яратадыр. Ә миңа Гүзәлем пешергән манты ошый. Белсәгез икән?!. Ул аның итен вак-вак итеп турый, бәрәңгесен кыргыч аша чыгара, камырын юка итеп җәя һәм минем авыз зурлыгында итеп кенә эшли. Ашавы шундый рәхәт һәм тәмле!

 

Соңгы тапкыр кинога кайчан бардыгыз?

Гүзәлем: Ярты ел элек.

Салават: Күптән бармадык инде.

 

Яраткан җырчыларыгыз?

Гүзәлем: Минеке – Бейонсе, Рианна, Джастин Тимберлейк. Салаватныкы – Сосо Павлиашвилидыр.

Салават: Гүзәлем – меломан ул. Ә мин җырны кәефкә карап тыңлыйм. Хәзер рэп ошый. Сосо Павлиашвили җырларында үстем. Джастин Тимберлейк ошый.

 

Бер-берегезнең ошаган сыйфатлары?

Гүзәлем: Салаватка минем кайгыртучанлыгым ошыйдыр. Тәмле итеп пешерүемә дә битараф түгел ул. Ә миңа аның игътибарлы булуы ошый.

Салават: Гүзәлемгә минем юмарт булуым ошыйдыр. Ә миңа аның тыйнак булуы ошый. Без ачуланышсак та, ул миңа каршы сүз дәшми. Күрәсең, дөрес тәрбиядән шулайдыөр ул.

 

Бер-берегезнең телефон парольләрен беләсезме?

Гүзәлем: Телефоннарыбызда парольләр юк.

Салават: Телефоннар – ачык. Менә элегрәк йөргән кызларда һәрчак пароль тора иде. Ул бит бер-береңә ышанмау дигәнне аңлата. Аллага шөкер, Гүзәлем белән безнең арада андый әйбер юк.

 

Бер-берегезнең телефонында ничек язылгансыз?

Гүзәлем. «Хуҗа». Никахта хәзрәт: «Моңарчы сиңа әтиең хуҗа иде, ә хәзер – ирең», – диде. Шуннан калган матур сүз ул.

Салават: Маатурым. Ике «а» белән. Чөнки «матурым» гына булса, телефон кенәгәсенә кергәч, «мат» дип хәрефләрне җыя башлыйсың да, ә «мат»ка башланган телефон номерлары бик күп. Мәсәлән, Матросов, Матвеевлар, Базарлы Матак һәм башкалар. Ә болай – «маа» дип җыям да, шундук Гүзәлем чыга... Һәм ул берәү генә!

 

Ничә бәби алып кайтасыгыз килә?

Гүзәлем: Өч.

Салават: Берәүдән башлыйк әле, аннары күз күрер.

 

Яңа елга бер-берегезгә нәрсә бүләк иттегез?

Гүзәлем: Бөтен кергән акчаны иҗатыбызның үсешенә тотып бетердек. Ел ахырында алган премияләр – шуның җимеше. Бер-беребезгә ясалган бүләк тә шулдыр.

Салават: Бернәрсә дә бүләк итешмәдек.

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com