Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → "Син Асаева түгел, Араева, чөнки гел акырасың!" Гөлназ Асаева рус эстрадасына нинди исем белән танылмакчы?

"Син Асаева түгел, Араева, чөнки гел акырасың!" Гөлназ Асаева рус эстрадасына нинди исем белән танылмакчы?

Эльвира Шакирова
Эльвира Шакирова
03 января 2018
412 карау
Популяр җырчы Гөлназ Асаева сәхнә исемен тәкъдим итте. Хәзер ул - Джаннат, ягъни Җәннәт. Эш шунда ки, Гөлназны Мәскәүгә чакырганнар. Ул хәзер татарча һәм башкортча гына түгел, рус телендә дә җырлаячак. Ләкин продюсеры Гөлназның үз исеме белән чыгуына каршы килгән.

“Мәскәү продюсеры белән өч елга килешү төзедек. Ул - танылган җырчы Сати Казанованың продюсеры. Русча акцент белән җырлавымны да, тышкы кыяфәтемне дә ошаткан. Мине шәрык кызы образында күрүен белдерде. Шул сәбәпле, чәчемне яңадан кара төскә буярга туры килде. Беренче иҗат җимешебез - “Украду” исемле җыр. Тиздән Казахстанда диск яздырырга җыенабыз”, - дип сөйләде Интертатка Гөлназ Асаева.

Җырчы хәзер күп вакытын Мәскәүдә, студиядә үткәрә икән. “Татар эстрадасыннан китәргә уйламыйсыңдыр бит?” - дигән сорауга ул: “Юк, әлбәттә! Татарча җырлар да иҗат ителәчәк. Алар минеке булачак, ә рус телендә яздырылачак җырлар – продюсерныкы”, - дип аңлатты Гөлназ.

Гөлназны татар эстрадасында Гөлназ Асаева дип белсәләр, рус эстрадасында ул Джаннат буларак танылачак. Продюсеры аңа барлык афишларына ике исемен дә язарга киңәш иткән. “Холкымның җиңел түгеллеген продюсерым да аңлап өлгерде инде. Уртак танышыбызга “холкы бик авыр” дигән. Ә бервакыт смс-хәбәрдә “Араева” дип язган. “Мин – Араева түгел, Асаева” дигәч, “Араева! Чөнки гел акырасың”, - диде”, - ди Гөлназ Асаева.

чыганак: http://intertat.tatar/shou-biznes-yanalyklary/sin-asaeva-t-gel-araeva-ch-nki-gel-akyrasy-g-lnaz-asaeva-rus-estradasynda-nindi-isem-bel-n-tanylmakch/

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com