Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → ​Juna. Татар фолкының яңарышы булып

​Juna. Татар фолкының яңарышы булып

Ландыш Әбүдәрова
Ландыш Әбүдәрова
25 ноября 2017, 08:00
155 карау

Һади Такташның “Урман кызы”н хәтерлисезме сез?

“Нигә, нигә синең шаян күзләр

күзләремә болай багалар.

Нинди көчләр, сөйлә, нинди көчләр

Керфек очларыннан тамалар?”

Бу шигырь мине һәрвакыт бик еракта калган, онытылган хәтер катламына алып төшә. Бу шигырь минем өчен һәрвакыт олы сер булып кала. Тоемлавым ялгышмаган. Ялгышмавымны Juna төркеме раслады.

Juna (Джуна) башкаруында “Урман кызы” җырын тыңлаганыгыз бармы? Нинди хисләр?



Juna белән танышуым ярты ел элек кенә булды әле. Апрель иде. Кечкенә кызым белән урамда йөрергә чыгабыз. Ул коляскада. Телефоннан Junaның “Урман кызы”н куям. Без урманга килеп җитәбез. Һәм бишенче, алтынчы... унынчы тапкыр бер җырны әйләндерәбез. Аннан соң урманнның үзен тыңлыйбыз. Без дөньябызны онытабыз. Без авазлар тыңлыйбыз, һәркайсын аерым-аерым ишетергә өйрәнәбез... Кызым изрәп йоклап китә.

Junaны инди-фолк жанрында җырлый, диләр. Музыка өлкәсендә белемем аз, Википедия бу жанрны халык җырларының заманча башкарылышы, рок белән кушылган, ди. Ышандырмый. Монда бит музыкадан бигрәк, авазлар тәэсирләндерә. Рәхәт. Тамырларда әллә кайчан йоклаган күзәнәкләр уяна кебек. Төркилегебезнең “Сак-Сок” катламында ук калган авазлары яңара. Тамырларга кайту, ихласлык, өр-яңадан башлау... авазларны барлау...

Әлбәттә, Juna “Урман кызы”н гына җырламый. “Галәмнәр”, “Синле елым”, “Иртә”, “Яшел күзләр”, “Тәхетле көнем” дигән җырлары да бар. Габдулла Тукай, Луиза Янсуар, Йолдыз Миңнуллина шигырьләренә. Көйне үзләре дә язалар, Мубай, Европа төркемнәренә cover ясыйлар.

Шул ук “Урман кызы” Франциянең Syd Matters төркеменнән ковер. Ә менә аларның инглиз телендәге The Upsetter җыры Metronomyның үзен дә шаккаттырган.



Төркемнең исеме фин телендәге “juna” сүзеннән, поезд дигәнне аңлата.

Juna татарча җырлый. Барысы да татар түгел. Ания Фәйзрахманова, Александра Мостафина, Ирина Лакота, Екатерина Ростова, Сергей Прокофьев, Тимур Милюков. Барысы да Казаннан да түгел, кайсы Самарадан, кайсы Кировтан.

Juna әле күптән түгел генә – 12 ноябрьдә краудфандинг – халык финанславы технологияләрен кулланып, концерт оештырды. Ягъни концертка “кем күпме булдыра ала, шуның кадәр” өлеш кертте. Акча җитәрлек җыелгач, төркемнең беренче дискы дөньяга чыгачак. Анна соң дөньяга таралачак. Татар музыкасының яңарышы булып.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy