Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → «Килмешәк» ник йөрәкне өзә?

«Килмешәк» ник йөрәкне өзә?

Лилия Гәрәева
Лилия Гәрәева
17 октября 2017, 14:00
221 карау

Без аны озак көттек. Яшь драматург Сөмбел Гаффарованың «Килмешәк» спектакленең премьерасын, диюем. Без аның язылу тарихын да, пьесаның төп герое Нәкыйпнең прототибы кем икәнен дә белә идек.

Нәкыйп – сугышта хәбәрсез югалган меңәрләгән татар егетләренең берсе – Сөмбелнең үз туганы. Япь-яшь улының үлеме белән килешә алмаган әнисе аны гомере буена тилмереп көтә, үлмәгәндер, исәндер, әсирлеккә эләккәндер дә, илгә кайта алмыйдыр дип, үз-үзен юата. Улын өзелеп сагынганда, ул киткән якка очкан киек казлар артыннан сәлам юллагандыр, һәм... көткәндер...

Пьесаның эчтәлеге буенча, Нәкыйп сугышта әсир төшеп, чит илгә эләгә. Туган иленә юллар ябык, ничек кенә теләсә дә, сөйгән Зәйтүнәсен дә, газиз анасын да, туган авылын да ул башка күрмәячәк. Басу тутырып утырткан бәрәңгесе, хатыны Джоаннаны Җаным дип атаулары, борынгы сәгатьләре – туган ягының бердәнбер төсе. Әнисенең, Зәйтүнәсенең өзелеп көтүен чакрымнар аша да тоя ул. Джоанна да тоя аны, һәм гомере буе ут йотып яши: менә-менә тимер пәрдә күтәрелер дә, Нәкыйбе үз иленә кайтып китәр.

Көннәрдән бер көнне, чынлап та, тимер пәрдә ачыла ул... Нәкыйп кенә...

Нәкыйп-Зәйтүнә язмышы – меңәрләгән татар егет-кызларының язмышы ул. Милли фаҗигабез... Өзелгән җепләр, югалган эзләр... Киселгән өмет... Гомере буе кайтыр дип көткән әнисенең дә, пьеса ахырына өмете киселгән: кайтмастыр инде аның баласы.

Авыр да, аяныч та, кызганыч та. Бер гөнаһсыз җаннарның болай җәфа чигәргә мәхкум булуы кызганыч. Күз яшьләрен тыярлык түгел.

 

Спектакль тәмам. Шыгрым тулы зал артистларны аягүрә алкышлый. Бер минут, өч, биш минут буе тынмый алкышлар. Афәрин! Афәрин, Сөмбел!

фото: Рәсим Назмиев

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy