Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → Зөлфия Шакирова "Кызлар пати" белән төнге клубка барды

Зөлфия Шакирова "Кызлар пати" белән төнге клубка барды

Эльвира ШАКИРОВА Фото: Линар ЮСИПОВ
Эльвира ШАКИРОВА Фото: Линар ЮСИПОВ
29 сентября 2017
202 карау
Казанда татар эстрадасы йолдызларыннан оешкан "Кызлар пати"ның чираттагы очрашуы узды. Бу юлы "Кызлар пати" "Кызыл пати"га әверелде, кызлар алдан сөйләшеп, төнге клубка кызылдан киенеп килде...

Дөресен генә әйткәндә, барыбызга да кызылдан киенү җиңелләрдән булмады, чөнки кемнеңдер кызыл күлмәге юк, беребез чыгып китәм дигәндә генә каптыргычы өзелеп, кибеткә барып өр-яңа кызыл күлмәк алды, икенчебез колготкиен ертты һ.б. Кыскасы, әзерләнү, җыену мизгелләре үзе бер тарих.


Иң элек кызлар фотограф Линар Юсуповта фотосессия узды. Очрашуны төнге клубта "Курай мега денс" дискотекасында дәвам иттек. Сер итеп кенә әйтәбез, 18 октябрьдә "Кызлар пати" - дискотеканың махсус кунагы булачак. Моннан тыш, "Кызлар пати" яңа төрле проектлар тормышка ашыру турында да уйлый. Шуларның берсе - якын киләчәктә концерт кую.



Шунысы игътибарга лаек: бу юлы "Кызлар пати"да Татарстанның халык артисты Зөлфия Шакирова да бар иде. Зөлфия ханымны тормыш иптәше Җәвит Шакиров машина белән сөйләшенгән урынга - "Корстон"га китереп куйды.

"Дискотекаларга йөргәнем юк иде, беренче тапкыр баруым", - диде Зөлфия Шакирова. Ул дискотекада яшь кызлардан кимен куймады, рәхәтләнеп биеде.


"Артист кеше музыкага ияләнгән инде ул, "көчле булды, башыма бәрде", дия алмыйм. Монда бик күңелле икән, Алла теләсә, тагын киләчәкмен әле", - диде Зөлфия Шакирова. Җәвит абый Зөлфиясен төнге сәгать 1дә килеп алды. Менә ичмасам мәхәббәт!


Күпләр "Кызлар пати"ның максаты нидә?" - дип сорый. "Максат эзләргә кирәкми. Яшәргә һәм яшәүнең ямен тоярга кирәк! Ничек кенә гадәти яңгырамасын, тик гомер бер генә һәм ул бик кыска. "Кызлар пати"да без көндәлек мәшәкатьләрдән арынып торабыз, аралашабыз, биибез, җырлыйбыз, планнар белән уртаклашабыз. Гомумән, хатын-кызның сүзе бетәмени? Март аенда "Кызлар пати"ны оештырып җибәрүемә сөенеп туя алмыйм. Кызлар белән бер-беребезне ярты сүздән аңлыйбыз, алар минем теләсә нинди идеямне хуплый", - дип белдерде "Кызлар пати"га нигез салучы Татарстанның атказанган артисты Айгөл Бариева.



чыганак: http://intertat.ru

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy