Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → Рафил Җәләлиев белән Эльмира Гыйльфанова туена Салават Зәкиевич нәрсә бүләк иткән?

Рафил Җәләлиев белән Эльмира Гыйльфанова туена Салават Зәкиевич нәрсә бүләк иткән?

20 июля 2017
522 карау
Татар эстрадасында тагын бер матур җырлы-моңлы гаилә барлыкка килде. 15 июльдә Казанда Рафил Җәләлиев белән Эльмира Гыйльфанованың туйлары гөрләде!
- Эльмира, беренчедән, матур гаиләгез туу белән котлыйбыз, бәхетле гаилә тормышы телибез! Рафил белән озак очрашып йөрдегезме? Ничек таныштыгыз?

- Рәхмәт! Май аенда очрашып йөрүебезгә 3 ел булды. Без Казан дәүләт мәдәният һәм сәнгать университетында таныштык. Коридордан барганда, Рафил туктатып, "син мәҗлесләрдә җырлыйсыңмы?" дип сорады. Алай еш җырлаганым булмаса да, "әйе" дидем. Бу февраль ае иде. Ул исә миңа 9 августны язып куярга кушты. Кыш көнендә август аена белешкәч, ышанмадым, шаяртадыр дип уйладым. Бер-ике көннән күрешкәч, янә бу дата турында искә төшерде. Аннан соң инде дуслашып киттек, бергә эшли башладык. Һәм мөнәсәбәтләр әкренләп мәхәббәткә әверелде.



- Рафил синең ризалыгыңны бик озак көткән дип беләм. Ничә тапкыр кияүгә чыгарга тәкъдим ясады?

- Быелгы концерт программасында тәкъдим ясау сценарийга кергән иде. Рафил миңа концерт саен кияүгә чыгарга тәкъдим ясады. Казан Филармониясендә узган концертта да мин шул ук ясалма чәчәк бәйләмен көттем. Ләкин ул миңа чын зур чәчәк бәйләме белән йөзек бүләк итте! Монысы чын тәкъдим булды! Ә барлыгы Рафил миңа якынча алтмыш тапкыр тәкъдим ясады.



- Нинди гаиләгә килен булып төштең?

- Мин Балтач районы Кенәбаш авылына килен булып төштем. Рафилнең гаиләсе - ачык йөзле, итагатьле, тәрбияле. Аллага шөкер, бик әйбәт гаиләгә керәм. Традиция буенча, туйда Рафилнең әти-әнисенә "исәнме, әни; исәнме, әти" дип яулык бәйләдем һәм түбәтәй кидердем.



- Гадәттә, ир белән хатынның берсе - ут, икенчесе су була. Сезнең очракта кем ут, кем су?

- Без икебез дә ут! (көлә) Ситуациягә карап төрлечә була. Бер-беребезне һәрчак аңларга тырышабыз.



- Эльмира, туегызда бик күп танылган артистлар, шул исәптән Салават Фәтхетдинов та булган. Салават Зәкиевич нәрсә бүләк итте?

- Салават Фәтхетдинов - Рафилнең остазы. Ләкин мин аның концертларына 4 яшьтән бирле ел саен йөрим, бик яхшы аралашабыз. Үземә дә остазым шикелле ул. Салават абый безгә затлы бүләк алып килде. Исемле конверт белән "Салават" җыр театрының Алмаз-холдинг эшләнмәсе - медаль бүләк итте. Аның безнең туйга килүе бик зур дәрәҗә һәм хөрмәт!



- Интернетта пәйда булган фото һәм видеоларга караганда, туегыз бик затлы һәм күңелле узган. Мәҗлес ничә сумга төште?

- Туйның ничә сумга төшүен төгәл генә үзебез дә белмибез, чөнки аны чын бәйрәм булсын дип ясарга тырыштык. Безнең туйда аукционнар, ягъни акча җыюлар булмады. Мәҗлес үзе дә традицион рәвештә түгел, ә бер сәгатькә якын барган концерт белән тәмамланды. Артистлар арасында Салават абый, Венера Ахатовна, Римма Ибраһимова, Альфред Якшимбетов, Филүс Каһиров, Данир Сабиров, Айдар Галиәскәров һәм башкалар бар иде. Бәйрәмне исә чын профессионаллар алып барды: танылган алып баручы Фәнил Вакказов һәм ди-джей Сирень Хәсәнов.







 
 
 
чыганак: http://intertat.ru/

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy