Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → Рәнис Габбазовның кәләше кем?

Рәнис Габбазовның кәләше кем?

Эльвира Шакирова
Эльвира Шакирова
18 июля 2017
357 карау
Р. Ваһапов фестиваленең Яшь башкаручылар конкурсында гран-при откан талантлы җырчы Рәнис Габбазов өйләнде. Яшьләрнең никахы 16 июльдә Казанның "Иман нуры" мәчетендә узган. Рәнисне тормышындагы иң шатлыклы көне белән котлап үзенә шалтыраттык.

- Тормыш иптәшем Гөлия Сагиева - Казан кызы. Аның белән Казан дәүләт мәдәният һәм сәнгать университетында укыганда таныштык. Мин Венера Ганиевада укыдым, Гөлия Салават Фәтхетдинов кафедрасында белем алды. Тәүге тапкыр аны ашханәдә очраттым. Гөлия шоколад ала иде, мин исә "үзем алып бирәм" дидем. Шулай итеп, Гөлиягә алып биргән беренче бүләгем - шоколад булды. Гөлия бик матур җырлый, концертларымда да катнашканы бар. Ул шулай ук Ваһапов фестивале лауреаты, - дип сөйләде Intertat.ru хәбәрчесенә Рәнис Габбазов.

 

 

Рәнис белән Гөлия 3 ел 8 ай очрашып йөргән. "Йөргән чакта кызык хәлләр дә, күңелсезләре дә булды. Аралар суынгач, бер ай буы Гөлия артыннан чаптым. Гөлия - акыллы, сабыр. Аллага шөкер, тиң парымны таптым, кавыштык. Гөлия белән кавышырга уртак дустыбыз Әминә Галимова да ярдәм итте. "Гөлияне ычкындырма", - дип һәрвакыт әйтеп торды. Никахыбыз күңелле узды. Мәһәр итеп алтын пар алка бүләк иттем. Нияз хәзрәтнең вәгазьләре, төпле киңәшләре тормышта ярдәм итәр дип уйлыйм", - ди Рәнис.

 

 

Яшьләр туйны сентябрь аена билгеләгән. Без дә Рәнис белән Гөлияне чын күңелдән котлыйбыз, нык сәламәтлек һәм гаилә бәхете телибез!

чыганак: http://intertat.ru/tt

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy