Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битСәхнә арты → Алсу Фазлыева: Яңа клип ир-атларга аеруча ошар дип уйлыйм

Алсу Фазлыева: Яңа клип ир-атларга аеруча ошар дип уйлыйм

Эльвира ШАКИРОВА
Эльвира ШАКИРОВА
09 июня 2017
331 карау
Алсу һәм Азат Фазлыевларның "Гөрләп кирәк яшәргә" җырының клибы тиз арада популярлашып киткән иде. Җырчылар аңа алмашка шулай ук кызыклы булырдай клип әзерли. Алсу клип ир-атларга аеруча ошаячак, дигән фикердә.

 "Яратам сүзсез генә" җыры бик тиз язылды. Сүзләрен – Мәдинә Гыйнияутуллина, көен Илнар Гыйльманшин иҗат итте. Җырның эчтәлеге, мәгънәсе үзенчәлекле: ир-атлар без – хатын-кызларны ярата, ләкин бу хакта көн дә белдерми. "Кайсы җырга клип төшерик икән?" дигәч, мәҗлес вакытында халык арасында тавыш бирү оештырырга булдык. Бу җырыбыз өстенлек алды. Клиптагы хәлләр тормыштан алынган. Идеясен Замирә Рәҗәповага әйткәч, ул сценариен язды. Клипның режиссеры да ул", – дип сөйләде Intertat.ru хәбәрчесенә Алсу Фазлыева.



Клип бик кызыклы башланып китә: 22 февраль көнне егетләр кафеда 23енә план корып утыра, янәсе Ватанны саклаучылар көнен ничек бәйрәм итәргә? Тик Азат 23 февральдә Алсуның туган көне булуын һәм бу көнне гаиләсе белән үткәрүен әйтә. Икенче көнне Алсу матурлык салонына юл тота, ә яраткан ир-егетләре (ире, ике улы) аңа сюрприз әзерли, ягъни ашарга пешерә, өй җыештыра һ.б. Ләкин өйгә кайтышка, Алсуны, чынлап та, "сюрприз" көтә!



"Клипта февраль ае булгач, туннар киеп төшәргә туры килде. Без аны бер көн эчендә төшердек, шуңа да бик арыдык. Төпчек улыбыз Ильяс клипта беренче тапкыр төште. "Ардым", дип ишек төбенә яткан җиреннән йокыга китте сабый. Клипны төшерүдә дуслар, күршеләр ярдәм күрсәтте", – ди Алсу. Аның әйтүенчә, тамашачы яңа клипны август аенда күрер дип көтелә.

 

 

 

"Эш беткәч, уйнарга ярый" дигәндәй, тиздән Фазлыевлар ун көнгә ял итәргә китәчәк. Алсу белән сөйләшкәндә дә, җырчы кибеттә сәяхәткә кирәк-яраклар алу белән мәшгуль иде. "Төркиягә дустым Замирәнең гаиләсе белән барырга җыенабыз. Ике гаилә белән бергә җыелышып өченче тапкыр баруыбыз", – диде Алсу Фазлыева.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy