Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битБлогларАйгөл Бариева → ​«Кызлар-пати»га кушылырга теләмисезме?


​«Кызлар-пати»га кушылырга теләмисезме?

Айгөл Бариева
Айгөл Бариева
җырчы, Татарстанның атказанган артисты
Инде күп кешегә мәглүмдер, март аенда мин, бер төркем кызларны оештырып, «Кызлар-пати» дигән хатын-кызлар клубы ачарга булдым. Җиде кешедән башлаган идек, хәзер инде егеме бишкә җиттек. Бик рәхәтләнеп очрашып, аралашып йөрибез. Төрле чараларда катнашабыз. Күп очракта бу группада җырчы, артист кызларыбыз була. Алар белән беррәттән журналистлар да бар. Тагын – нәфис сүз остасы, визажист, администратор...



Гомумән, бу клубта эшлекле, үзен шәхес итеп хис иткән, эшли дә, ял да итә белә торган нәфис затлар җыелды. Без күп чараларда очрашабыз, бергә ял да итәбез, күмәкләп концерт-театрларга да йөрибез. Шулар белән беррәттән изге эшләргә дә тотындык. Менә яңа гына шундый матур бер чарада катнаштык. Кенәр авылында урнашкан балалар интернат-йортына бардык. Зур хәйрия концерты куйдык. Шундый матур узды ул! Балаларның бәхетле күзләрен күреп, чын күңелдән сөендек. Тик үзебезнең күзләрдә гел яшь булды... Мондый очрашулардан соң тормышның, сәламәтлекнең кадерен белә башлыйсың.



Бәлки безгә тагын кушылырга теләүчеләр бардыр. Без сезне үзебезнең клубта көтәбез – игелекне бергәләп кыларбыз.



Ватсатпа үзебезнең төркемебез бар. Көн саен шунда аралашабыз. Кемдә нинди проблема, сорау бар, кызлар шуны язалар. Бик җайлы: бергәләп хәзер хәл итеп куябыз. Нидер сатып аласыбыз булса да, кайдан алырга икәнен бер-беребездән белешәбез. Каядыр барасы булса да, башкалар аңа мәгълүмат белән ярдәм итә. Хатын-кызның мәшәкате бик күп тормышта, шуларның барысына өлгерү өчен көч җыярга, кайчакта барысын читкә куеп, ахирәтләре белән бер аралашу кирәк аңа. «Кызлар-пати» бу эштә аңа ярдәмче.



Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy