Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битБлогларАйгөл Бариева → Мин бу югалту белән килешергә теләмим!


Мин бу югалту белән килешергә теләмим!

Айгөл Бариева
Айгөл Бариева
җырчы, Татарстанның атказанган артисты
Бүген минем өчен бик авыр көн... Ел саен кабатлана ул, «онытам», дип кенә оныта торган түгел... 19 ел элек бу көнне минем иң кадерле, иң газиз кешем – әнием дөньядан китеп барды. Вакытсыз рәвештә... Нибары 47 яшендә!

Еллар үткәч, яра төзәлә, дип әйтәләр. Мин моның белән килешмәс идем. Чөнки олыгайган саен әти-әнисе кешегә күбрәк кирәк була башлый икән. Яшь чакта вакытыңны күбрәк дусларың белән үткәрсәң дә була, ә хәзер, олыгая барган саен, янәшәңдә үзеңнең туганнарың, якыннарың – әти-әниең булуын телисең. Нәкъ менә алар белән аралашу, аларның киңәшләре җитми.

Үлем белән, әлбәттә, килешеп булмый. Беркайчан да! Тик үлгән артыннан үлеп тә булмый... Бу – мәңгелек яра, һәм ул минем белән атлый да атлый. Нигәдер ул яраны, югалту ачысын мин үз-үземнән җибәрә алмыйм. Аңлыйм, җибәрергә кирәк, яшәргә кирәк. Тик моны эшләргә көчен җитми, авыр... Инде менә ике дистә елга якын ул яра мине тота да тота...

Синең кебекләр күп бит, язмыштан узмыш юк, бүгенге көн белән яшә, диярсез, мөгаен. Догалар укы, тынычланырсың, дип киңәш бирерсез, дип беләм. Догаларны да укыйм. Акылым белән барысын да аңлыйм, тик йөрәгем тыңламый. Нишлим, мин бу югалту белән һаман дә килешә алмыйм...
 
 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy