Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битБлогларЭльза НӘБИУЛЛИНА → Исландия. Сез аның кайда икәнен беләсезме?


Исландия. Сез аның кайда икәнен беләсезме?

Эльза НӘБИУЛЛИНА
Эльза НӘБИУЛЛИНА
укытучы, сәяхәтче.
Яңабаштан башлыйк әле.

Гомумән, каян килеп чыктык соң әле без узган җәйне Исландиягә?! Беркем уйламаганда, хыял төшләрендә генә күреп ятканда…



Иң элек кулыгызны күтәрегез – кайсыгыз Исландияне кайда икәнен белә? Юк, мин шаярмый, белмәүчеләр дә бихисап. Югыйсә, «Анда да машинада бардыгызмы?» – дип сорамас иделәр бит. Ярар, куркыныч түгел, иренми генә картага бер күз салыгыз (яхшы гадәт ул карта белән танышу!). Ә-ә-әнә тегендә, Атлантик океан уртасында, төньяктарак, шундый кечтеки генә утрау. Нәкъ үзе, әйе!

«Монда да кешеләр яшиме?» – диярсез. Әйе, яши, тик күп түгел, нибары 320 мең тирәсе. Билгеле, җәйге чорда (июль, август айларында) туристлар хисабына утрауда халкы саны арта! Без дә 4 көнгә халык санын арттырып кайттык. Исландиягә без самолетта очтык. Утрауга эләгүнең тагын бер юлы бар: Даниядән паром белән су юлы аша килергә мөмкин. Ләкин күпчелек беренчесен сайлый.



Минем өчен әлегә Исландия – ул гейзерлар иле. Өйләргә җылылыкны да шул табигый чыганаклардан алалар. Ул – экологик чисталыгы ягыннан дөньяда икенче урында тора. Анда салкын, ләкин мин җылы оекбашымны алыргамы-юкмы икәнен белмим, кирәге чыгар дип алай да биштәремә салдым. Монда биек агачлар үсми, анысын «Маша и медведи» төркеменең «Рекьявик» җырыннан ишетеп беләм. Һәм җәй көне монда кояш баемый, димәк, тәүлекнең теләсә кайсы вакытында утрауны рәхәтләнеп гизәргә була.

Якынча әлегә менә шулар.

Исландиядәге коточкыч бәяләр хакында һәркем ишетеп беләдер. Шуңа күрә без алдан ук ашау, яшәү ягын уйлаштык. Әбүгалисина белән Әбелхарис бер елга мәгарәгә ничек әзерләнгән булса, без дә якынча шулай әзерлек кылдык. Минималь ашау, минималь йокы! Рухи азык чыганагы – табигать, һава һәм океан.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy