Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битБәйгеләр → «Үземә үзем дизайнер»

«Үземә үзем дизайнер»

19 июня 2015
1454 карау

«Мода үзгәрә, стиль кала». Габриэль Шанельнең инде канатлы сүзгә әйләнгән бу гыйбарәсен без үзебезгә шигарь итеп алырга тиеш. Дөреслектә, мода артыннан куа-куа, үз йөзеңне югалту куркынычы да бар – анысын да онытырга ярамый.

«Сөембикә» журналы 2009 елдан бирле дизайнерларның халыкара «Internacional fashion» милли кием конкурсын оештыручыларның берсе булып тора.

Шушы вакыт эчендә без бер нәрсәгә инандык: талантлар бик күп. Нәкъ менә шуның өчен дә үз абунәчеләребез арасында конкурс игълан итәргә булдык.

Беркайчан да модадан чыкмый торган киемнәргә игътибар юнәлтү, андый кием-салымны үзебезгә уйлап табу сәгате сукты.

Республикабызда да, республикабыздан читтә яшәүчеләр арасында да тумыштан талантлы һәм сәләтле кешеләребез бар. Максатыбыз – аларны эзләп табу һәм укучыларыбызга таныту.

Сез алтын куллы, зирәк зиһенле, бик тырыш, уңган, әмма бик тә тыйнакмы? Шулай булса, бу бәйге нәкъ менә сезнең өчен. Сездән фәкать аз гына кыюлык һәм җитезлек сорала. Ә инде сезнең иҗат эшегез конкурста катнашсын һәм лаеклы бәяләнсен өчен «Сөембикә» журналы кулыннан килгәннең барысын да эшләр.

 

Конкурсның шартнамәсе

 

«Сөембикә» журналы абунәчеләре арасында узучы

«Үземә үзем дизайнер» конкурсының

Шартнамәсе

 

Оештыручысы: «Сөембикә» журналы

 

Конкурсның үзенчәлекле иганәчеләре:

«Алмаз-Холдинг» ҖЧҖ, «Алмаз» ювелир заводы

 

Хокукый документ: Конкурсның шартнамәсе

 

Таләпләр:

Конкурста катнашуыгыз турында гариза җибәргәндә, хатыгызга 2015 елның икенче яртысы өчен «Сөембикә» журналына язылуыгызны раслаган квитанцияне дә салырга онытмагыз.

Конкурска үзегез теккән әзер киемнең фотосы һәм эш барышын тасвирлаган фотолар кабул ителә. Алар моңарчы бер җирдә дә басылмаган булырга тиешләр.

Аларны түбәндәге адреска җибәрегез:

420066, Казан шәһәре, Декабристлар урамы, 2 нче йорт.

e-mail: ssuum@yandex.ru (дизайнерлар конкурсына дип тамгалагыз)

 

 

Конкурсның максатлары һәм бурычлары:

Максаты: иҗади багланышлар булдыру һәм ныгыту. Осталыкны һәм иҗатны чарлау өчен, тәҗрибә һәм идеяләр белән уртаклашу.

Милли мәдәният белән кызыксыну уяту. Мода индустриясе белән мәдәният өлкәсендә эшләүчеләрнең көчләрен берләштерү.

 

Конкурсның бурычы:

өс һәм баш киемнәренә булган мода агымнарына кушылу, яшь буында зәвык тәрбияләү.

«Сөембикә» журналының абунәчеләре санын арттыру.

 

Конкурсның финалында җиңү яулаучылар спонсорлар һәм партнерларның истәлекле бүләкләре белән бүләкләнәчәк. Иң матур дип табылган өс һәм баш киеме үрнәге, бизәнү әйберсе журналда басылачак.

 

Конкурсның жюрие: Россия Федерациясе һәм Татарстан Республикасының танылган дизайнерлары.

Катнашучылар: «Сөембикә» журналы абунәчеләре.

 

Конкурсны үткәрү вакыты:

Конкурс 2015 елның маеннан шул ук елның ноябрь аена кадәр дәвам итәчәк.

 

Конкурска йомгак ясау һәм җиңүчеләрне бүләкләү 2015 елның декабрендә башкарылыр дип көтелә.

 

 

ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com